ՀՀ կառավարության N 1419-Ն որոշում — «Հսկիչ-դրամարկղային մեքենաների ներդրման գրասենյակ» ՊՈԱԿ-ի ստեղծման մասին
ՀՀ կառավարության 2012 թվականի նոյեմբերի 8-ի N 1419-Ն որոշման հայերեն բնագիրը և fiscal.am-ի թարգմանությունները։ Այս որոշմամբ ստեղծվել է պետական ոչ առևտրային կազմակերպությունը, որը մինչև 2021 թվականի դեկտեմբերը տրամադրում էր ՀԴՄ մոդելների համապատասխանության եզրակացությունները և սպասարկում էր դրանք հայկական շուկայում։
Վերջին ստուգում՝ 28 ապրիլի, 2026 թ.
Ինչպես է fiscal.am-ն օգտագործում այս հոդվածը
2012 թվականի այս որոշմամբ ստեղծվեց պետական ոչ առևտրային կազմակերպությունը (ՊՈԱԿ)՝ «Հսկիչ-դրամարկղային մեքենաների ներդրման գրասենյակ»։ Մոտ ինը տարի ՊՈԱԿ-ը միաժամանակ կարգավորող ու շուկայի մասնակից էր. ՀԴՄ մոդելների համապատասխանության եզրակացություններ էր տրամադրում, դրանց տեխնիկական սպասարկումն էր կազմակերպում, որոշակի փուլում նաև ինքն էր ներկրում ու վաճառում դրամարկղեր։ 2019 թվականի մարտին կառավարությունը ազատականացրեց շուկան (29 մարտի N 331, N 332, N 310 որոշումներ)՝ բացելով ՀԴՄ-ների ներմուծումը, վաճառքն ու սպասարկումը ցանկացած տնտեսվարող սուբյեկտի համար։ ՊՈԱԿ-ի մենաշնորհն ավարտվեց. մնացին միայն համապատասխանության եզրակացության տրամադրման գործառույթը և սահմանամերձ գյուղերի հարկ վճարողներին անվճար դրամարկղեր տրամադրելու պարտավորությունը։ 2021 թվականի դեկտեմբերի 30-ին կառավարությունը որոշեց լուծարել ՊՈԱԿ-ը (N 2205-Ա որոշում)՝ ներելով 47,366,037 դրամ չվճարված միջնորդավճար և 145,290,600 դրամ ապառիկ դրամարկղերի կուտակված տույժեր. թվերը՝ կառավարության հիմնավորումից։ Գործառույթներն անցան ուղղակիորեն Պետական եկամուտների կոմիտեին։ Որոշումն ինքը ձևականորեն մնում է գործող, սակայն ստեղծված ՊՈԱԿ-ն այլևս չկա։ Մենք պահում ենք այն կայքում որպես պատմական ուղենիշ։ Մարդկային լեզվով ողջ պատմությունը՝ ՀԴՄ-ի սերտիֆիկացման պատմությունը Հայաստանում էջում։
§1 Հայերեն · canonical
Հիմնադրման միջոցով ստեղծել «Հսկիչ-դրամարկղային մեքենաների ներդրման գրասենյակ» պետական ոչ առևտրային կազմակերպություն:
§2 Հայերեն · canonical
«Հսկիչ-դրամարկղային մեքենաների ներդրման գրասենյակ» պետական ոչ առևտրային կազմակերպության կառավարման լիազոր մարմին ճանաչել Հայաստանի Հանրապետության կառավարությանն առընթեր պետական եկամուտների կոմիտեն:
§4.1 Հայերեն · canonical
Սահմանել, որ «Հսկիչ-դրամարկղային մեքենաների ներդրման գրասենյակ» պետական ոչ առևտրային կազմակերպության գործունեության առարկան և նպատակներն են՝ ա. Հայաստանի Հանրապետությունում հսկիչ-դրամարկղային մեքենաների ներդրման կազմակերպումը, բ. Հայաստանի Հանրապետությունում շահագործվող հսկիչ-դրամարկղային մեքենաների տեխնիկական սպասարկումը.
§4.2 Հայերեն · canonical
Հայաստանի Հանրապետության կառավարության կողմից հսկիչ-դրամարկղային մեքենաներին ներկայացվող պահանջներին համապատասխանող հսկիչ-դրամարկղային մեքենաների և դրանց ծրագրային ապահովման հավաստագրումն իրականացվում է «Հսկիչ-դրամարկղային մեքենաների ներդրման գրասենյակ» պետական ոչ առևտրային կազմակերպության կողմից.
§5.1 Հայերեն · canonical
Թույլատրել գրասենյակին՝ 1) նախորդ տարվա արդյունքներով 500.0 մլն դրամ և ավելի իրացումից հասույթ ունեցող հարկ վճարողների համար մեկ ՀԴՄ-ի տեխնիկական սպասարկման ամսական գինը սահմանել մինչև 3600 դրամ. 2) 115-ից մինչև 500 մլն դրամ՝ մինչև 3000 դրամ. 3) մյուս հարկ վճարողների համար (բացառությամբ գյուղերի)՝ մինչև 1200 դրամ. 4) ոչ սահմանամերձ գյուղերում՝ մինչև 900 դրամ. 5) սահմանամերձ գյուղերում՝ անվճար։ (5.1-ին կետը լրաց. 02.06.16 N 579-Ն)
§10 Հայերեն · canonical
Սույն որոշումն ուժի մեջ է մտնում պաշտոնական հրապարակմանը հաջորդող օրվանից: